नबिल बैंक लुटपाट प्रयास
प्रहरी-लुटेरा भिडन्तमा दुइ सुरक्षागार्डसहित तीनको मृत्यु

दीपक रिजाल/विकास लम्साल
काठमाडौं

जोरपाटीस्थित नबिल बैंकको शाखा कार्यालयमा लुटपाट गर्न गएका समूह र प्रहरीबीच बुधबार भएको मुठभेडमा बैंकका दुइ सुरक्षागार्डसहित तीनको मृत्यु भएको छ भने दुइ लुटेरा पक्राउ परेका छन्।
गस्तीमा गएको प्रहरीसंग बैंक लुट्दै गरेको लुटेराको जम्काभेट भएपछि भएको गोली हानाहानमा सुरक्षागार्डहरू जोरपाटीका ५६ वषर्ीय प्रेम तामाङ, गोर्खाका ३८ वर्षीय तेजबहादुर थापा र काभ्रे पात्लेखेतका गाडी चालक २१ वषर्ीय छेवाङ तामाङको मृत्यु भएको हो। छेवाङ लुटमा प्रयोग गरिएको माइक्रोबसका चालक हुन्।

बिहान ११ः१७ बजे लुटपाट गर्न गएको १५ जनाको उक्त समूहका योजनाकार तथा पूर्वमाओवादी प्लाटुन कमान्डर अजय र्राई र पर्ूवसशस्त्र प्रहरी हबलदार देवराज भट्टर्राईलाई प्रहरीले घटनास्थलबाटै पक्राउ गरेको थियो।
लुटेराहरूबाट प्रहरीले लुटेको रकम २५ लाख ५४ हजार ४ सय ८२ रुपियां, एउटा ७.६२ क्यालिबरको पेस्तोल, एउटा होममेड रिभल्बर, एउटा कटुवा पेस्तोल, तीनवटा खुकुरी, ४३ राउन्ड गोलीलगायतका सामग्रीहरू बरामद गरेको छ।

गौशालास्थित नव सहारा होटलमा बसेर बैंक लुट्ने योजना बनाएपछि बुधबार हतियारसहित लुट्न गएको पक्राउ परेका र्राईले बताए। विजय गुरुङले हतियारसहित योजना बनाएर सोनाम लामाले मान्छे तयार गरेपछि लुट्न गएका हौं’ -र्राईले नेपाल समाचारपत्रसंग भने। उनका अनुसार सोनाम र विजयको भेट करिब पांच दिनअघि मात्र भएको थियो।
हतियार नै चलाउने कुनै योजना नभए पनि तर्साा लुट्न सकिन्छ भन्ने लागेको थियो, तर प्रहरी नै आएपछि बाध्यतावश हतियार प्रयोग भयो’ -उनले भने।

र्राईका अनुसार नबिल बैंक लुट्ने योजना बनाएपछि उनी र देवराज भट्टर्राई आइतबार बैंकको लोकेसन बुझन गएका थिए। सबै जानकारी लिएर १५ जनाको समूह बैंकमा प्रवेश गरेको भए पनि सात जनाले हतियार बोकेको र्राईले बताए।
सात जना हतियारधारी पहिलो तलामा रहेको नगद काउन्टरमा पुगेर पैसा निकालेपछि बैंक गार्डले फायर खोलेको र त्यसपछि आफूहरूले पनि फायर खोलेको बताए। प्रहरी पुगेकाले भिडन्त भएको र्राईले बताए।

शुरूमा ग्राहकको रूपमा प्रवेश गरेको लुटेरा समूहले बन्दुक पड्काउंदै हातमा रहेको खुकुरीले सीसी टिभी र अन्य ठाउंमा प्रहार गरेर बाहिरिने क्रममा बाहिर प्रहरीसंग मुठभेड भएको र प्रहरीको गोलीले बा१ज ७४०६ नम्बरको माइक्रोबस चालक तामाङको मृत्यु भएको पनि र्राईले बताए।
वडा प्रहरी कार्यालय बौद्धबाट प्रहरी सहायक निरीक्षक धनकुमार श्रेष्ठको कमान्डमा खटिएको टोलीले करिब २५ राउन्ड गोली प्रहार गरेर लुटिएका सामानसहित दुइ जनालाई पक्राउ गरेको थियो।

लुठेराको गोली प्रहारबाट घाइते भएका बैंक सुरक्षागार्ड तामाङ र थापाको मेडिकल कलेज अत्तरखेल र मेडिकेयर अस्पताल चाबहिलमा उपचार हुंदाहुंदै मृत्यु भएको थियो।
प्रहरीको गोली लागेर घाइते भएका चालक तामाङको शिक्षण अस्पताल लैजाने क्रममा बाटोमा नै मृत्यु भएको प्रहरीले जनाएको छ।
सो घटनाका नाइके र्राईको भत्केको पुलस्थित कोठामा छापा मार्दा माओवादीसम्बन्धी लेटरप्याड, स्टयाम्प, बारुदलगायतका विभिन्न सामान बरामद भएको वडा प्रहरी बौद्धका प्रहरी निरीक्षक राजकुमार बैदवारले जानकारी दिनुभयो।

घटना खेदजनक : नबिल

यसैबीच नबिल बैंकले उक्त घटनालाई दुर्भाग्यपूर्ण् र खेदजनक भएको बताएको छ। बैंकले एक वक्तव्य जारी गरी लुटेराको समूहले लुट्ने क्रममा कम्प्युटरलगायत विभिन्न ठाउंमा आक्रमण गरी पैसा ब्यागमा राख्न चेतावनी दिएको र त्यसको सशक्त प्रतिकार भएको पनि उल्लेख गरेको छ।
यसैबीच नेपाल मानवअधिकार संगठनले राजधानीमा विगत केही दिनयता भएका शृंखलाबद्ध घटनालाई तत्काल रोक्न सुरक्षा व्यवस्था प्रभावकारी बनाई परिचालनका लागि सरकारसमक्ष माग गरेको छ।लुटपाटमा संलग्न रहेका भट्टर्राईलाई सशस्त्र प्रहरी बलले चैत ४ गते भगौडा खाली गरी कारबाही गरेको थियो।