विचरा राजा

सात दल र माओवादीका नेताहरुविच वालुवाटारमा महत्वपुर्ण वार्ता चलिरेको बेलामा उता नारायणहिटीमा पनि एक समारोहको आयोजना हुंदैथियो । राजाका राजगद्धिमा बस्ने बाहेकको सबै कार्यकारीणि अधिकार प्रतिनिधि सभावाट खोसिएपछि पहिलोपटक दक्षिणकोरिया र थाइल्याण्डका नवनियुक्त राजदुतहरुवाट ओहदाको प्रमाणपत्र चढाउने कार्यक्रम थियो । उता बालुवाटार भिडभाडमय थियो भने नारायणहिटीमा भने सुनसान थियो । राजा एक्लै राजदुतहरुलाइ कुरेर बसिरहेका थिए ।
यसअगाडि राजदुतहरुले आहदाको प्रमाण पत्र बुझाउने समारोहमा प्रधानमन्त्रि, विभागिय मन्त्रि, सर्वोच्च अदालतका प्रधानन्यायधिष, सभामुख र राजपरिषद्का सभापतिको उपस्थिति हुन्थ्यो । राजा टाठवाठका साथ आउथे अनी ओहदाका प्रमाणपत्र बुझेर प्रमाणपत्र पेश गर्ने राजदुतको रुमालमा सुगन्ध हालिदिन्थे ।
तर हिजो राजा एक्लै थिए । कोही आएनन् । अरु त अरु उनले विश्वास गरेका प्रधानन्यायधिष दिलिपकुमार उपाध्याय पनि आएनन् ।
अब प्रधानमन्त्रि आउने कुरै भएन । सभामुख सुवास नेम्वाङ्ग पनि क्रान्तिकारी नै छन् । नेपालमा भएको भए परराष्ट्र मन्त्रि केपि ओलि जान्थे कि तर उनको अनुपस्थितिमा कार्यभार सम्हालेका अमिक शेरचन के जान्थे । अब राजपरिषद् त खोरजै भइहाल्यो ।
विचरा ज्ञानेन्द्र । उनको आज कान्तिपुरको पुष्ठ चारमा राजदुतलाइ कुरीरहेको फोटो छापिएको थियो । यसो हेर्दा निक्कै टिठ लाग्यो । के गर्ने बुद्धि नपुर्‍याएपछि यस्तै हुन्छ । राजा विरेन्द्रको बंशनाशमा उनलाइ जनताले शंकाको घेरामा राखेका भएपनि राजा हुन त दिएका थिए नी । तर के के न गरौला भनेर जनताको छोराले गर्ने काममा पनि हात हाल्न पुगे । अहिले त्यसको स्वाद चाखेका छन् ।
प्रतिनिधि सभा घोषणा पत्र, मन्त्रिपरिषद्को कार्य नियमावलीको शंसोधन गरेर राजाका धेरै अधिकार प्रममा र प्रतिनिधि सभामा समाहित भइसकेको छ । यो अधिकार चैं किन राखेको होला ।
हिजोका दिनदेखी नै नेपालमा नियुक्त भएर आएका राजदुतहरुले राष्ट्रप्रमुख समक्ष ओहदाको प्रमाण पत्र पेश गर्ने प्रचलन रहेको छ । यसैकारण नै राजदुतहरुले राजा समक्ष प्रमाण पत्र पेश गरेका हुन् । तर भोलिका दिनमा यदी राष्ट्रपतिय शासन प्रणाली आयो भने त उनले यो कामवाट पनि फुर्सद पाउने छन् । अनी त्यो बेला उनी के गरेर कस्लान्